السبت، 29 مارس، 2014

اسرار كنتاكى فى البيت تشكن فرايداى بالصور

تشكن فرايداى 

المقادير:-
-دجاجة بيضاء مقطع 8 قطع
-معلقه كاتشاب
 - معلقة صلصه  
-معلقه بابريكا حارة وحلوة
-ملح 
-وفلفل اسمر 
-وبهارات مشكلة - ثوم بودر - بصل بودر - زعتر
-كوب زبادى
-عصير ليمونه
 - معلقتين خل

مقادير للتغطيه:- 
 كوب دقيق وكيس فيجتار
بديل الفيجتار كيس مرقة دجاج فورى تخلطيه مع الدقيق
او تبهرى الدقيق ببهارات مشكلة
الطريقة:-
قبللها بيوم بجيب الفرخه وبقطعها الى 8اجزاء
واشققها كويس بالسكينة
واخلط مقادير التتبيله وانقعها فيها
لما تتتنقعع قبللها بيوم بتتغلل التتبيله فيها وتستوى بسرعة

ملحوظة مهمه لازم تشققوا الفراخ كويس عشان التتبيله تتوغل فيها وتستوى كويس
وطعمها وهيه بتتيبله افضل بكتير غير لما تفكرى تسلقيها الاول
بتبقى كانها فراخ محمره

وبجهز الدقيق مخلوط مع كيس فيجتار
فى طبق واسع وعميق
 عشان شكل الخرشفه الى بيبقى على قطع الفراخ
تاخدى قطعه الدجاج وتتفضلى تفركيها بايدك فى الدقيق

 بيتتعمل عليه طبقه من بره ومن كتتر الفرك بيتكون قطع صغيرة من الدقيق
بتساعد عى عمل شكل التغطية
وتكملى كل القطع وتجهزيهم
بتسخنى الزيت كويس بس ما تتركية يسخن  جدا لأ 
لانه لما يحمى اول ما تحطى قطعه الفراخ هتحمر بسرعه بدون ما تستوى وهتتغمق وتتنشف
وفى فرق بين ان الفراخ تنشف وتقرمش
ملحوظة كمان لازم يتتقلى فى طاسه عميقه
او حلة
بعد ما تسخنوا الزيت كويس توطى النار على الاخر وتبدئى تضيفى قطع الدجاج
وتغطى الحله


وفى خلال من سبع دقايق لعشرة هتكون استوت وبلون حلو ودهبى
وقرمشه رهيبه
وعشان تحافظ على قرمشتها ومش تتطرى
تحضروا مصفى تحتها طبق بدل المناديل وبعد ما تتتصفى من الزيت تتنقل لطبق التقديم

وده سر خطير من اسرار القرمشه زى المطاعم

وده شكلها النهائى

 طريقة ام بـــراء وفريـــدة