السبت، 2 أغسطس، 2014

عيش الروتى الهندى شبه العيش البلدى بس أسرع .. الطريقة الصح فيديو

خبز الروتي الهندي .. عيش الروتى الهندى  .. خبز الروتي الهندي .. مقادير عمل خبز روتي الهندي .. طريقة عمل الخبز الهندي ..عيش الروتى على البوتاجاز العادى سريع
الروتي هو  خبز هندى هو يشبه كثيرا الخبز العربي

المقادير


2اكواب دقيق اسمر(لو فى دوله خليجيه أسمه دقيق شباتى)
1 معلقة صغيرة ملح
 ماء دافئ حسب الاحتياج
3ملاعق زيت كبيرة

الطريقة

نضع الدقيق ثم الملح ونقلب ثم الزيت ونقلب
ثم نضيف الماء واحده واحده ونعجن حتى نحصل على عجينة متماسكه ومطاطيه وملساء
نغطى العجينه بفوطه ونتركها تستريح 10 دقائق

تشكل العجينة على شكل كور صغيرة
نضع الكورة فى اى نوع دقيق ثم نفردها بعصي الفرد لنحصل على شكل دائرة غير سيمكة
ثم نضع طاسه نظيفه تيفال على النار بعد ما تسخن
نضع عليها العجينة التى فردناها

وعند ظهور الفقاقيع الصغيرة نقلبها للجهه الاخرى
وعند ظهور فقاقيع على الجهه الاخرى نأخذها ونضعها على شبكه على النار
ممكن تستخدمى شبكة الفرن وتمسكيها بفوطه

 وعندما تنتفخ نشيلها
ونكرر الموضوع مع الباقى
طريقة عمل خبز الروتى الهندى فيديو


ممكن يتعمل على البوتاجاز الكهرباء

الأربعاء، 16 يوليو، 2014

طريقة عمل ساندوتش كاساديا الدجاج مع الشيف

طريقة عمل ساندوتش كاساديا الدجاج  Sandwich Casadia Chicken

صدر فراخ مشوى
بصل مقطع
1 فص توم مفروم
ربع كوب فلفل الوان رومى مقطع
قرن فلفل حامى اختيارى
ارغفه خبز تورتيلا (تورتيا)
 جبن شيدر مبشور
ببريكا
الطريقه 

1-فى مقلاه ضعى الزيت وقوومى بقلى البصل والتوم والفلفل الرومى قليلا ثم اضيفى اليه الفلفل الحامى  وهدى النار قليلا واتركيه دقائق قليله ثم اضيفى اليه الدجاج وقلبى جيدا

2-فى مقلاه نظيفه ضعى قليل من الزيت على نار هاديه
ثم ضعى شريحة خبز تورتيلا وضعى فوقه ربع كوب جبن
ثم  كمية الدجاج ثم طبقة اخرى من ربع كوب جبن
ويغطى بشريحة تورتيلا اخرى

ويطهى لدقائق حتى يصبح لونه ذهبيا ثم يقلب على الجهه الاخرى حتى يصبح ذهبيا ايضا(حوالى من 2-3 دقيقه)لكل جهه
وتقلب على الجهه الاولى مره اخرى لمدة 2 دقيقه

ثم توضع فى طبق وتقطع لمثلثات وتقدم مع الصلصه والكريمه الحامضه بعد مزجهما معا فى طبق جانبى


عيش بلدى مصرى بدون فرن على البوتاجاز بسهوه وسرعه -الشيف محمود عطيه

عيش بلد مصرى بدون فرن على البوتاجازبسهوه وسرعه -الشيف محمود عطيه-طريقه عمل الرغيف البلدى المصرى,طريقه عمل الرغيف البلدى بدون إستعمال الفرن-عيش بلدى مصرى بدون فرن على البوتاجاز بسهوه وسرعه -الشيف محمود عطيه

الصور منقوله للافاده
يمكن أستخدام علبة سمنه نظيفه ووضع شبكة الفرن عليها بدل من الطوق اللى استخدمه الشيف محمود عطيه فى الفيديو


سر طريقة بلح الشام مثل المحلات و الجاهز

سر طريقة بلح الشام مثل المحلات و الجاهز
والصورة من جواه منفوش زى الجاهز واحلى لانه عمل ايدك وضمنه نظافته 

المقادير:
اولا مقادير الشربات:
2 كوب سكر
1/2 1كوب ماء
عصير ليمونة
مقادير بلح الشام:
1/2 1 كوب دقيق
1/2 1 كوب ماء
 1/4 كوب زيت
معلقة سكر
  ذرة ملح
بشر برتقال
 3 بيضة
 فانليا
معلقة صغيرة خل.

الطريقة 

طريقة الشربات:

يوضع الماء والسكر علي نار هادية وعندما تغلي يوضع عصير الليمون وتترك لتغلي قليلا .


طريقة عمل بلح الشام :

توضع الماء والزيت والسكر وذرة الملح وبشر البرتقال في حلة علي النار لحد مايغلوا ثم تطفي النار

ثم يضاف الدقيق مرة واحدة ويقلبوا جيدا حتي تصبح مثل الكرة تترك لتهدي قليلا.

ثم يضاف البيضة الاولي والفانليا ومعلقة الخل ويقلب جيدا حتي تتشرب العجينة ممكن استخدام المضرب الكهربائي

ثم البيضة الثانية ثم الثالثة.
التحمير:
يوضع زيت في طاسة ثم تشكل بكيس الحلواني او اي قمع عندك ثم يشغل البوتجاز علي نار هادئة لكي ينفش ويصبح

مقرمشا ويصبح لونة جميل ممكن تاخذ من 10-15 دقيقة ثم توضع في الشراب البارد

وتترك قليلا حتي تتشرب الشراب ثم تصفي من الشراب البارد وذوقي احلي بلح شام مثل الجاهز.

في تاني مرة قلية لازم تنتظرى الى ان يبرد الزيت تماما.

انا بحب اكل بلح الشام تاني يوم ودة لو فضل لتاني يوم من حلوته.منقول لخطورتة

الأحد، 13 يوليو، 2014

بسكويت العيد المصري كيلو دقيق بالصور

مقادير بسكويت العيد المصرى :
1 كيلو دقيق
1/2 كيلو زبدة باردة  يعادل كوبين ونصف  ( ممكن استعمال نصف المقدار زبدة والنصف سمنة )
 كوب ونصف سكر بودرة ومنخول
4 بيضات
فانيليا
معلقة كبيرة بكينج بودر
طريقة عمل بسكويت العيد:
نضرب الزبدة مع السمن جيدا بالمضرب الكهربائي حتي تصبح كريمي
 ثم نضيف السكر  ويضرب جيدا
 ثم نضيف البيض والفانيليا و نضرب
  اهريها ضرب لحد اما يبانلها اصحاب ههههههههههه
 ثم نضيف الدقيق المنخول مع البيكنج بودر ونعجنهم
لغاية لما يتجانسوا مع بعض ونغطيه
ونسيب العجينه تهدأ شويه لغاية ما نسخن الفرن وندهن الصوانى
نجيب بقى صوانى مدهونة كويس بزيت خفيف جدا
ونشكل البسكويت
ونرص فيها البسكويت
وبما انى معنديش ماكينة البسكويت فعملته بالقمع بتاع بلح الشام


 وبعدين تحطيه فى الفرن على درجة حرارة متوسطة (160)  لمدة من 10 : 15 دقيقة مع المتابعة
مع ان فرنى حامى بس والله طلع جميل وانا كمان حبيت احمره شوية عشان بنحبه كده ههههههه ووالله عجب جوزى وشجعنى انى اعمل الكحك ولما اعمله هقولكوا
الطريقة بالمقادير وجدت اكثر من واحده عملاها ونجحت معاها علشان كده نقلتها والصور منقوله
صور بسكويت العيد
طريقه عمل بسكويت العيد بالصور
بسكويت العيد المصري كيلو دقيق بالصور مقادير بسكويت 
طريقة عمل "البسكوت" بسكويت العيد
‫طريقة عمل بسكويت العيد - حلويات رائعة 
طريقة عمل بسكويت العيد بطريقة جديدة وسهلة التحضير
طريقة عمل بسكويت العيد2014

كبسة الدجاج السريعة - الشيف منال العالم


طريقة عمل الغريبة المصريه الناعمة فى البيت مثل الجاهزة

طريقة عمل الغريبة الناعمة فى البيت مثل الجاهزة

طريقة عمل البيتي فور الناعم مثل الجاهز - البتيفور السادة و الشوكولاتة

طريقة عمل البيتي فور الناعم مثل الجاهز - البتيفور السادة و الشوكولاتة

طريقة عمل بسكويت العيد بطريقة مضمونة 100%

طريقة عمل بسكويت النشادر بطريقة مضمونة 100 %

السبت، 5 يوليو، 2014

عمل عجينة القطايف فى البيت بأسهل طريقة

عمل عجينة القطايف فى البيت بأسهل طريقة 2014
عمل عجينة القطايف فى البيت بأسهل طريقة فيديو
عمل عجينة القطايف فى البيت بأسهل طريقة بالخطوات

طريقة عمل الممبار المحشي بالأرز المصري على اصوله

طريقة تنظيف الممبار الصح ,طريقة عمل الممبار على اصوله,خطوات تسوية الممبار,عمل الممبار المصرى,حشو الممبار رز مصرى,سلق الممبار,تحمير الممبار,عمل الممبارزى المحلات ,ساندوتشات الممبار,طريقة عمل الممبار المحشي بالأرز  المصري وتكاته وتحميرة


الخميس، 26 يونيو، 2014

طريقة عمل الحنيذ فى حلة الضغط وفى فرن التنور

طريقة عمل الحنيذ فى قدر الضغط,فرن التنور,حنيذ,خطوات عمل الحنيذ العربي,لحمه شهيه

عمل الحنيذ فى فرن التنور

مندى الدجاج على الطريقة التركيه الشهيه يمي

مندى الدجاج على الطريقة التركيه ,مندى الدجاج على الطريقة التركيه ,مندى الدجاج على الطريقة التركيه ,مندى الدجاج على الطريقة التركيه 

وده فى تركيا

طريقة عمل سندوتشات كبدة الفلاح المشطشطه اللذيذه بالصور

كبدة البرنس , طريقة عمل الكبده,ساندوتشات الكبده اللذيذه المصرية,أحلى كبده تأكليها,كبده بالفلفل الاخضر,كبدة شبه المحلات,كبدة الفلاح,كبده مشطشطه,طريقة طهى الكبده الشرائح,تقطيع الكبده بالبروسيسور افضل,  كبدة البرنس, عباس , قناة فتافيت ,طريقة عمل سندوتشات كبدة الفلاح المشطشطه اللذيذه بالصور
 اخواتى واخوت زوجى بيطلبوها منى دايما لانها تحفه 
طريقة تحضير الكبده:-
1-لازم نسيب الكبده فترة فى الفريزر بسيطة حتى  تكون مجمده بشكل متوسط ليسهل تقطيعها
 (لانها لو مش مجمده هتتعصرفى التقطيع ويبوظ طعمها)
2-نقشر قشرتها الخارجيه بالسكينه
3-نقطعها شرايح رقيقه خالص
انا باقطعها ف الفود بروسيسور بسلاح تقطيع الشيبسي بس عندى اتنين سميك ورفيع انا قطعتها بالسميك لان الرفيع عندى رقيق جدا

4-نتبلها
 ثوم 
ملح مش كتير 
كمون 
فلفل اسمر 
فلفل اخضر بارد
 وشطه خضراء
 وخل كتييييييير
 انا بقلل الملح واكتر الخل علشان تبقي مسكره
نسيبها ف التتبيله تقريبا ساعتان 
 طريقه الطهى مهمه جدا لانها هى اللى هتديكى طعم سندوتشات الكبده بتاعه الفلاح
طبعا كنا بنحط الكبده ف زبده وزيت ونسيبها تستوى ونقلب لااااااااااااا كده هتتفل مننا وتفقد لونها الفاتح وبتقعد كتير ع النار بتفقد طعمها الحلو
طريقة طهى الكبده:-
كأننا بنحمر شيبسي بالظبط نحط الزيت فى كسروله صغيره ويكون ارتفاعه تقريبا اقل من 2 سم
هنسخن الزيت كويس
 وناخد جزء بسيط من  الكبده بالمعلقه ونطشها فى الزيت وما تمليش الكسرولة
 وتقليبتين لونها هيفتح و تسيبيها تغلي ثوانى وتشليها وما بياخدش وقت ابدا ثوانى على النار.
وتضعى كمان جزء وهكذا لغايه ما نخلص المقدار

الباقي من صوصها والزيت نرشه عليها بس انا ما بحطش كل الزيت علشان الدسامه 
 ونعصر لمونتين عليها حسب رغبتك
طبعا هى رقيقه خالص عن الصوره
طريقة عمل السندوتشات بأحتراف:-
التكنيك
-ان العيش قلبه سميك نشيل شويه من اللبابه علشان ما يعجنش مع صوص الكبده
-تعمليها سندوتشات وهى سخنه مولعه
ولازم طبعااااااا تقطعى طرنشات الليمون وقرون الشطه واللى ياكل الشندوتش يعصر الليمونه ويقرش قرن الشطه يمي يمي من جاع
طريقة ام الفراشه
ودية كبدة البرنس  مع عباس فى قناة فتافيت فيديو

الجمعة، 20 يونيو، 2014

نصائح لشراء اللحمه المناسبه للشوى من الجزار فيديو

نصائح لشراء اللحمه المناسبه للشوى من الجزار فيديو

طريقة عمل الشاورما اللحم والفراخ وعيش الشاورما السوري ببيض ومن غيره زى المحلات فيديو

Roll the dough Shawarma,2014 , المقادير , الحداد , بالصور , شاورما , طريقة,شاورما الدجاج 2014 , طريقة عمل شاورما الدجاج بالصور مع المقادير 2014,شاورما الدجاج 2014 , طريقة عمل شاورما الدجاج بالصور مع المقادير 2014,شاورما اللحمه,طريقة عمل الشاورما اللحم والفراخ وعيش الشاورما السوري ببيض ومن غيره زى المحلات  فيديو
طريقة بدون وضع بيض

مقاديره بسيطه جدا:-

-2/1 كيلو دقيق
-1معلقه صغيره ملح
-2 معلقه كبيره زيت
-ماء للعجن
الطريقة:-
-بنخلط الدقيق والملح والزيت مع بعض ونضيف الماء شويه بشويه لحد ما تلم العجينه
-نقطعها 6 او7 كور
وندهنهم بزيت كويس
ونغطيهم بفوطة المطبخ او كيس بلاستيك
ونسيبهم يرتاحوا ساعه علي الاقل
(لازم العجينه ترتاح فتره طويله عشان لما نيجي نفردها ما تكشش مننا)
-بعد الساعه
-نفرد كل كره علي سطح مدهون زيت كويس ونفردها مثل الفطير
-هنسحن طاسه كبيره علي النار ممسوحه بمنديل مدهون زيت خفيف
 واوعى تكثري من الزيت علشان ما تطلعش مزيته وتقيله فى الاكل وشكلها مزيت
ونحط رغيف العيش لحد ما يبدأ يعمل فقاقيع  زى الصورة
 نقلبها علي الجهه التانيه
نضع الشاورما ونلفها

 هنحط الساندويتشات في طاسه او علي الشوايه وتكون مدهونه زيت خفيف عشان نحمصها شويه
وهذه الطريقة هى نفس الطريقة  الرائعه للشيف محمود عطية هنـــــــــــــــــــــــا
ملحوظة(عجينه عيش الشاورما او عيش الصاج هى نفس عجينة الرقاق هى نفس عجينه السمبوسه هى نفس عجينة الاسبرنج رول والعيش البورى )


طريقه عمل رغيف عيش سورى سهله جدا

المقادير :-
3 كوب دقيق
1 بيضة
1/2 ملعقة صغيرة خميرة فورية
1 ملعقة كبيرة سكر
1/4 و 1 كوب ما ء للعجن
1/2 ملعقة صغيرة ملح
الطريقه:-
عادى خالص زى اى عجينه
هنخلط المقادير الجافه مع بعضها وبعدين نضيف البيضه والماء عليها بالتدريج
لحد مانوصل لعجينه متجانسه
نغطيها ونسيبها ترتاح حوالى ربع ساعه او الى ان تخمر.
تاخديها وتقسميها لكور صغيره وتفردى كل كوره عادى خالص بالنشابه بس طبعا بعد ماتكونى حطيتى شويه دقيق فى الارضيه عشان ماتلزقشى منك يا قمر
نجيب بقى الطاسه التيفال الكبيره بتاعتنا...
ونسخنها على النار ونحط فيها نص معلقه زيت وتحطى العجينه المفروده فى الطاسه
وتحركيها كده كل شويه بهز الطاسة  ولما تعمل  فقاقيع مثل الصورة اقلبيها

بس اهم حاجه تلفى كل ارغيف بيخلص فى كيس بلاستيك عشان ماينشفشى منك يا قمر
نيجى بقى لطريقه الشاورما اطعم شاورما تدوقيها فى حياتك:-
هتجيبى حوالى كيلو لحمه مدهننه او لو عاوز صدور فراخ مخليه
بس انا عملتها باللحمه..
ولو الجزار بتاعك ماقطعشى اللحمه شرائح رقيقه زى الشاورما...حطيها فى الفريزر لحد ماتتجمد وبعدين قطعيها
بسكينه حاميه شرائح رفيعه وهى متجمده عشان التقطيع يكون سهل معاكى
بعد بقى ماتقطعيها وتغسلى اللحمه كويس
هاتى طاسه تيفال كبيره برده...وسخنيها على النار وحطى فيها اللحمه وقلبيها قلوبتين كده لحد مالونها يتغير
وبعدين ضيفى بقى ملحك وفلفلك وكل التوابل الى عندك ....ولو عاوزه تقطعى فيها شرائح فلفل او طماطم بتقبى اطعم واجمل
وماتنسيش تحطى عليها خل وعصير ليمون وعصير بصل...واخده بالك عصيييييير بصل

يعنى تفرمى البصل بتاعك وفى المصفه تحطى شويه ملح صغيرين وتدعكى كويس لحد ماالبصل ينزل ميته كله
هو ده عصير البصل يا قمرات
افضلى قلبى فيها بقى لحد ماتستوى وتشرب كل ميتها
واهم خطوه بقى نجيب ورقه قصدير ونحط فيها حته زبده وفحمايه نكون مسخننها على النار كويس اوى
ونحطهم وسط الشاورما زى الصوره دى
ونغطيها على طول ونسيبها شويه تاخد وتدى مع نفسها...وارفعى بقى الغطا وشمى الريحه يا قمر

هنجيب بقى الرغيف بتاعنا ونحط فيه شويه شاورما
لو عاوزه تحطى شويه بقدونس او بطاطس مقليه او شرايح بصل او سلطه طحينه
انتى بقى وزوقك يا قمر
طريقة عمل عيش الشاورما فى المحلات والمطاعم

طريقة عمل شورمة الدجاج فيديو


موضوع مجمع لأحلى وصفات عمل الشاورما والعيش السورى
الصور من مواقع مختلفه

الخميس، 19 يونيو، 2014

أفضل طريقة لعمل الشاورما زى المطاعم فى البيت مع الشيف محمود عطية بالصور والفيديو

أفضل طريقة لعمل الشاورما زى المطاعم فى البيت مع الشيف محمود بالصور والفيديو ,زى المحلات,مثل الروستر,اسرار عمل الشاورما, خبز التورتيلا, العيش السورى, عيش الصاج

 
طريقة عمل الشاورما المبتكرة البسيطة فى البيت مع الشيف محمود عطية
المقادير:-
ربع كيلو لية خروف لكل كيلو لحمة
 لية خروف مقطعه شرائح رقيقه جدا وممكن تطبطبي عليها بالساطور علشان ترق اكتر
الطريقة:-
فى الخلاط العادى نضع اربع فصوص ثوم فى الخلاط اربع فصوص حبهان ملح بهارت عاديه وبصلة وربع كوب خل
ونضعهم على اللحمه
ونسيب الخليط فى الثلاجه من ربع ساعه الى ليله كامله 
 وممكن تشتغلى بيها على طول بدون نقع
بعد ما نقعتيها
تجيبي فويل وفوقه بلاستيك استرتش وافردي عليهم راقات الليه
ونلف كيلو اللحمه رول على بعض
 ليصبح كله رول واحد هكذا
ونضعه على الليه المفروده على الفويل والاسترتش 
ونلف عليها الاسترتش
 لغاية ما تبقي رول
ونلف عليها الفويل 
ونسبها فى الثلاجه  ساعه مثلا لتسقع
بعد ما تخرجيها من الثلاجة
ضعى فى طاسه تيفال سخنه معلقة زيت ثم ضعى رول اللحمه به فترة وقلبيها حتى تسيح لية الخروف
ثم ضعى كوبان ماء عليها وغطيها من نصف ساعه الى ساعه حسب اللحمه
ثم ندخلها فى الثلاجه من بليل الى الصبح ضروررى تبات فى الثلاجه مستويه (علشان تكون الجلاتينه وتكون متامسكه)
لما افك الرول من الفويل والاسترتش
 سأجد لية الخروف لونها ابيض
فى طاسة سخنة نضع معلقة زيت واحمرها فيها
لحد ما تاخد لون ذهبي هكذا
وبعدين نقطعها
خلظة ساندوتش الشاورما
بقدونس بصل طماطم مع 2 فلفل أخضر
نقطع البصل
ثم نضعه على جريل ساخن به زيت 
ونقطع الفلفل الاخضر ونضعه فوقه 
ونقطع الطماطم ونضعها عليهم ونرش ملح حسب زوقك وفلفل اسود ناعم
نضع اللحمه ونقلبهم
ونقلب خمس دقائق المكونات على النار
وقبل ما اغلق النار نضيف البقدونس

ثم نربط بالطحينه
سلطة طحينه عبارة عن:-
كوب طحينه
 كوب ماء 
دافئ ملح
 كمون
 كسبرة
 اربع ملاعق خل
 عصير ليمون
ونقلبهم
الشكل النهائى لشاورما اللحمه بالليه

مقادير خبز الشاورما (او خبز التورتيلا او العيش السورى او عيش الصاج):-
-ملحوظه هى نفس مقادير الفطير المشلتت المصري
اعجنهم الى ان يتماسكوا
 واقطعهم وادهنهم زيت من كل الجوانب واغطيهم حتى لا ينشفوا
واتركهم ساعه ليرتاحوا
(لازم العجينه ترتاح فتره طويله عشان لما نيجي نفردها ما تكشش مننا ومتقطعش منك)
-بعد الساعه
-نفرد كل كره علي سطح مدهون زيت كويس ونفردها مثل الفطير
لو عندك صاج ثقيل او طاسة تيفال مش مخربشه 
ادهنيها زيت بسيط وضعى الخبز فوقها
 لحد ما يبدأ يعمل فقاقيع  مثل الصورة
 نقلبها علي الجهه التانيه

طريقة لف خبز الشاورما الصح مثل المطاعم
ثنى طرفى الخبز للداخل مثل الصورة ولف الخبز رول  
على جريل سخن مدهون زيت نضع الخبز 
ويفضل
ونقلبه ونغطيه بطبق (كفكرة التوستر وتحميص بسيط يعطى طعم لذيذ للساندوتش)
الشكل النهائي ولو بتحبي مخلل الخيار ممكن تضعى شرائح داخل الساندوتش بيدى طعم خطير
ملحوظه :-فى الخطوه الاخيرة لتحميص الساندوتش 
يفضل جريل مضلعه ليخد الرغيف شكل الخطوط عليه

يقدم معه بطاطس محمرة ومايونيز بالثوم 

حصرى لمدونة أكلات رائعة
الصور من مواقع مختلفه