الجمعة، 22 نوفمبر، 2013

أفضل طريقة عمل الفينو والبيتزا من عجينة العشر دقائق بالصور روعه

أفضل طريقة عمل الفينو من عجينة العشر دقائق بالصور روعه+فينو+طريقة عمل الفينو+ طريقة عمل خبز الفينو الساندوتشات وخبز البرجر +طريقه عمل عيش فينو-اجمل واسهل طريقه لعمل العيش الفينو فى البيت +طريقه عمل العيش الفينو فى البيت+طريقه عمل الفينو البيتي+(الفينو)+طريقة عمل العيش الفينو بالصور+طريقة عمل الفينو والكيزر في المنزل+طريقة عمل الفينو +طريقة عمل العيش الفينو والكايزر بالصور+طريقة عمل فينو هش 
طريقة الشيف لطيفة و رشروووشة لعمل الفينو والكيزر والكرواسوا من عجينة العشر دقائق
-أهم 3 أمور لازم تراعيها عند عمل عجنية العشر دقايق علشان تطلع معاكي ممتازة
1-نخل الدقيق
2-أستخدام الكوب الشوب العادى زى الصورة
3-لما تيجي تقيسي الدقيق لازم تكون الكباية ممسوحة 
والمعلقة المستخدمة هي معلقة الطعام العادية
-العجينة عباره عن مجموعتين من المكونات, نجهز اول مجموعة ونتركها تخمر حوالى عشر دقائق (وده سبب تسمية العجينة) او حتى تظهر الفقاقيع بالعجينة وترتفع فى الاناء.
- وممكن تعملي نص المقدار وهينجح 100% بإذن الله

مقادير المجموعة الأولى 
2 كوب دقيق
 2 معلقة كبيرة لبن بودرة (ما ينفعش اللبن السائل)
2معلقة كبيرة خميرة فورية 
2 معلقة سكر 
2 كوباية ماية دافية 

مقادير المجموعة التانية 
3 كوباية دقيق 
1/2 كوباية زيت
معلقة ملح

الطريقة :
نضع مقادير المجموعة الأولى فى وعاء 
ونخلطهم جيدا
 هيكون عندنا عجينة لينة أوي زي عجينة البان كيك

المطلوب انها تتضاعف كويس جدا وتخمر وتبقى مليانة فقاقيع

لما تكون مقادير المجموعة الاولى خمرت حنضيف عليها
مقادير المجموعة الثانية ونبدأ بالدقيق دفعة واحدة ونبدأ نعجن بإدينا أو بالعجانة 

نضيف الزيت والملح ونستمر في العجن 
ولازم يا جماعة نوصل للقوام ده
ننزلها على رخامة ونعجن لحد ما تبقى متماسكة كويس جدا وما بتلزقش وفي نفس الوقت طرية 

وإحتمال تحتاجي نص كوباية دقيق زيادة أو أقل حسب الرطوبة الموجودة في الدقيق 

نرش دقيق على الرخامة ونشكل العجينة حسب الرغبة لعيش فينو او كيزر او كرواسونات.

بترشى الصينية  زيت ثم دقيق 
شكلى العجينة حسب الرغبة وادهنيها بالبيض ورشة حبة البركة او السمسم

الفينو بتاخدى حتت عجين  حجم كرة البينج بونج او اكبر شوية حسب حجم الرغيف اللى عيزاه
بتفردى العجينة بالنشابة وتلفيها رول زى ساندوتش الشورمة 
وتخلى قفلة العجينة لتحت وترصيها فى الصينية.
ندهن الوجه بيض ونرش حبة البركة او السمسم او الاتنين مخلوطين
 وده شكلهم 
طري من جوه زى اللى من برة

-الكرواسون بتفردى حتة عجينة دائرة وتقسميها وتحشيها جبنة او ساده وتلفيها من القاعده للقمة وتتنيها على شكل الكرواسون.
ده الكيزر(عيش البرجر) والكرواسون 

لعمل البتزا بنفس العجينة:
نفس المقادير نعملها 
ونقطعها 2 قرص  واحد كبير والثاني حعملها أقراص صغيرة مينى بيتزا(تنفع للمدرسه)

كورت قطعه بيدى
 علشان دي اهم خطوة في تشكيل العجينة ولو البداية كانت صحيحة حيبقى عندنا شكل دائرى مميز.
هفردها
وده هو السمك الي انا عايزاة بالضبط
ورشيت في صينية شوية دقيق 
وحطيت القرص الكبيرة
دي فكرة بسيطة عجبتي علشان تبقى زي العجينة الجاهزة وهي اننا نعمل خروم في العجينة وحنستخدم يا خلة سنان أو عود خشبي الخاص بالشوي
وحخرمها ولازم أوصل للأخر علشان بعد ما تتخمر الثقوب دي او الخروم تفضل زي ما هي 
وهنا شكلها بعد ما خلصت 
وهنا لما سبتها حوالي الساعة وربع تخمر براحتها وترفع

عايزة أقول اني رشيت الدقيق بدل الزيت في الصواني علشان ما تتحمرش القرص وتفضل بيضاء . خبزتهم على حرارة 180 يعني حرارة هادية وشغلت الفرن من فوق ومن تحت وحطيت الصاج في الوسط وخبزتهم لحد ما نفخو ولما تلمسيهم يبقو ناشفين وشبة مستويين . وده شكلهم
من فوق بعد النصف سوى
 وده شكلها من تحت ما تحمرتش خالص يادوب نشفت
 نرص البتزا ونغلفها ونضعها فى الفريزر لمدة شهر بالكتير 

عند عمل البيتزا نخرج الاقراص من الفريزر وننتظر ساعتين
ثم نفكهم من التغليف ونرش فوقها
فلفل رومي الوان
 وطماطم شرائح طويله 
جبن موزاريلا 
وجبن رومى
وزيتون 
صلصلة البيتزا من السوبر ماركت
انا استخدمت الصلصه العاديه
 وكمان  ممكن الكاتشب بيبقى طمعها جنان

سر فرد الجبنه المو تزريلا مثل بيتزا هت والمطاعم الكبرى
جيت كيس جبنة موتزريلا  200 جرام ب 9 ج 
وتمن جبنة رومي 
ونص كباية لبن 
وضربتهم في الخلاط لحد ما بقت عجيبة سايبة شوية يعني الجبنة اتفرمت في البن مش دابت فاهميني طبعا 
__
هنحطهم في صواني
 و اختيارى ندهنهم بزيت الزيتون الخفيفي بيديها نكهة غير طبيعة ورائعة جدا 

ونضع اولا الصلصه
ثم الطماطم
ثم الفلفل والزيتون
وخلطة الجبنه الموتزريلا  بالمعلقة ساويها علي سطح البيتزا من فوق علشان القطعه تشد مثل الصورة
 .
الف هنا وما تنسيش الشير فيس بوك وتويتر وجوجل بلس أسفل الموضوع

هناك تعليق واحد:

  1. المقدار ده عمل الكميه دى كلها ازااااااااى

    ردحذف